En que momento teño que repercutir o IVE (devindicación)?

Con carácter xeral, nas entregas de bens devindícase o imposto cando o ben se pon a disposición do cliente ##2##.

Nas prestacións de servizos o  IVE devindícase unha vez finalizada a prestación do servizo .

En arrendamentos, subministracións e outras operacións de tracto sucesivo, no momento en que resulte esixible o prezo.

Se se efectúan cobramentos anticipados a devindicación prodúcese no momento do cobramento anticipado. Pola contra, o adiamento no pagamento é irrelevante.

Existen especialidades no caso de execucións de obra a Administracións Públicas, transmisións entre comitente e comisionista, autoconsumos, certas operacións de tracto sucesivo e entregas intracomunitarias (ver artigo 75 LIVE )

O momento da devindicación será o que determine a obriga de expedir factura e repercutir a cota de IVE, así como o período en que debe declararse o IVE reportado.

No caso de que o cliente sexa empresario ou profesional, a factura poderá expedirse ata o 15 do mes seguinte, pero deberá declararse no período en que se produciu a devindicación da operación ou o pagamento anticipado.