Saltar ao contido principal

Novidades de normativa 2025

Saltar índice da información

Real decreto 254/2025, do 1 de abril, polo que se modifica o Real decreto 1007/2023, do 5 de decembro, polo que se aproba o Regulamento que establece os requisitos que deben adoptar os sistemas e programas informáticos ou electrónicos que soporten os procesos de facturación de empresarios e profesionais, e a estandarización de formatos dos rexistros de facturación (RRSIF)

O Real decreto 254/2025, do 1 de abril, ten por obxecto introducir diversas modificacións no Regulamento aprobado polo Real decreto 1007/2023, do 5 de decembro, relativas ao seu ámbito de aplicación, á delegación do cumprimento do mesmo, e á súa entrada en vigor.

En relación co ámbito obxectivo da norma:

  1. Para clarificar a exclusión do RRSIF daquelas transaccións que, con base no Regulamento polo que se regulan as obrigas de facturación, non deban documentarse en factura, elimínase a mención ao caso particular das operacións acollidas ao réxime especial da agricultura, gandaría e pesca, réxime simplificado e recarga de equivalencia.

  2. Entre as operacións excluídas inclúense aquelas operacións documentadas mediante facturas expedidas materialmente polo destinatario da operación, ou por terceiro como consecuencia da aplicación de disposicións normativas de obrigado cumprimento, cando estean incluídos na Subministración Inmediata de Información (SII).

Por outra banda, aclárase que a responsabilidade do cumprimento das obrigas non se verá limitada polo feito de que a factura sexa materialmente expedida polo seu destinatario ou por un terceiro.

Por último, regúlase unha nova entrada en vigor graduada do Regulamento:

  1. Os contribuíntes suxeitos ao Imposto sobre Sociedades terán adaptados os sistemas informáticos ás características e requisitos que se establecen no citado Regulamento e na súa normativa de desenvolvemento antes do 1 de xaneiro de 2026.

  2. O resto de obrigados tributarios aos que se refire o artigo 3.1 deberán ter operativos os sistemas informáticos adaptados ás características e requisitos que se establecen no citado Regulamento e na súa normativa de desenvolvemento antes do 1 de xaneiro de 2026.

  3. Os produtores e comercializadores daqueles sistemas informáticos aos que lles sexa de aplicación o Regulamento, deberán ofrecer os seus produtos adaptados ao mesmo no prazo máximo de 9 meses desde a entrada en vigor da Orde Ministerial (29 de xullo de 2025). Non obstante, en relación cos sistemas informáticos incluídos nos contratos de mantemento de carácter plurianual contratados antes deste último prazo, deberán estar adaptados ao contido do Regulamento con anterioridade ás datas indicadas nos parágrafos anteriores.

Real Decreto 254/2025, de 1 de abril,

por el que se modifica el Real Decreto 1007/2023, de 5 de diciembre, por el que se aprueba el Reglamento que establece los requisitos que deben adoptar los sistemas y programas informáticos o electrónicos que soporten los procesos de facturación de empresarios y profesionales, y la estandarización de formatos de los registros de facturación.