por el que se adoptan determinadas medidas en materia tributaria, catastral y de seguridad social.
Límites en réxime simplificado e especial da agricultura
O artigo 4 do Real Decreto-lei 18/2019, do 27 de decembro, polo que se adoptan determinadas medidas en materia tributaria, catastral e de Seguridade Social, prorroga para o período impositivo 2020 os límites para a aplicación dos réximes simplificados e da agricultura, gandaría e pesca. Con efectos desde o 1 de xaneiro de 2020, modifícase a disposición transitoria décimo terceira da LIVE, quedando redactada da seguinte forma:
«Disposición transitoria décimo terceira. Límites para a aplicación do réxime simplificado e do réxime especial da agricultura, gandaría e pesca nos exercicios 2016, 2017, 2018, 2019 e 2020.
Para os exercicios 2016, 2017, 2018, 2019 e 2020, a magnitude de 150.000 euros a que se refire o primeiro guion do número 2º e o número 3º do apartado dous do artigo 122, e o número 6.º do apartado dous do artigo 124 desta Lei, queda fixada en 250.000 euros.»
Polo tanto, en réxime simplificado o volume de ingresos no ano anterior non pode superar para o conxunto de actividades empresariais ou profesionais, agás as agrícolas, forestais e gandeiras, 250.000 euros anuais e as adquisicións e importacións de bens e servizos para o conxunto de actividades empresariais ou profesionais, excluído o inmobilizado, non debe superar no ano anterior o importe de 250.000 euros anuais, excluído o IVE.
Pola súa banda, no réxime da agricultura as adquisicións e importacións de bens e servizos para o conxunto de actividades empresariais ou profesionais, excluído o inmobilizado, non deberá superar no ano anterior o importe de 250.000 euros anuais, excluído o IVE.
Prazos renuncias e revogacións ao réxime simplificado e réxime especial de agricultura, gandaría e pesca en 2020
A Disposición transitoria primeira do Real Decreto-lei 18/2019 establece un novo prazo de renuncia ou revogación para o ano 2020 ao réxime simplificado e réxime especial da agricultura, gandaría e pesca. O devandito prazo será dun mes a partir do día seguinte á data de publicación no BOE do Real Decreto-lei 18/2019, isto é, ata o 29 de xaneiro de 2020.
As renuncias e revogacións presentadas para o ano 2020 aos devanditos réximes durante o mes de decembro de 2019 entenderanse presentadas en período hábil, podendo modificarse esta opción ata o 29 de xaneiro de 2020.