Réxime especial dos bens usados, obxectos de arte, antigüidades e obxectos de colección

A que operacións aplícase o REBU?

1ª Venda de bens usados. Cando fosen adquiridos a: 

• Particulares
• Empresarios ou profesionais doutros Estados membros que tributen en réxime de franquía (este réxime non existe na normativa española pero si se aplica noutros Estados membros a pequenas empresas e, consiste nun réxime con exención do IVE sen dereito á dedución das cotas soportadas).
• Empresarios ou profesionais que entreguen o ben en virtude dunha operación exenta por ser utilizados polo transmitente en operacións exentas sen dereito a dedución ou ben por ser adquisicións que non deron dereito a deducir as cotas soportadas.
• Outro revendedor que se o entregue aplicando este mesmo réxime. 

2ª Venda de antigüidades e obxectos de colección. Cando se encontren nalgún dos supostos anteriores ou fosen importados polo propio revendedor.

3ª Venda de obxectos de arte. Cando se encontren nalgún dos supostos anteriores ou fosen adquiridos a empresas ou profesionais que sexan autores ou habentes-dereito dos mesmos.  Así mesmo, aplicarase de forma transitoria cando se adquirise a empresarios ou profesionais distintos dos revendedores se na súa adquisición soportouse un tipo reducido.