Presentación da solicitude de devolución de IVE a non Establecidos (modelo 360)

Envío de ficheiro de presentación para a solicitude de devolución do IVE (modelo 360)

Para poder realizar a solicitude da devolución do IVE cómpre cumprir cunha serie de requisitos, como dispor de sinatura dixital ou estar subscrito ao servizo de notificacións telemáticas, en concreto, ao procedemento AEATPI20050425IVANOR. Esta subscrición realízase desde o servizo "Subscribirse voluntariamente ás notificacións electrónicas" na Sede electrónica da AEAT .

Se a presentación se realiza en nome dun terceiro (é dicir, o presentador é distinto ao solicitante), e o presentador quere recibir as notificacións do solicitante, ademais debe estar apoderado para recibir as notificacións do modelo 360 dese solicitante. É dicir, ten que ter habilitado o trámite específico de apoderamento NOTIVANOR (ou o trámite xeral, GENERALNOT).

O ficheiro de presentación deberá cumprir coa estrutura establecida no deseño lóxico de rexistro publicado. Podes consultaro na opción "Deseños de rexistro" do apartado "Axuda" da páxina da Axencia Tributaria.

IMPORTANTE:

Tras a identificación con certificado electrónico obterás a páxina de envío do ficheiro. Fai click en "Importar DR" para importar o ficheiro.

Unha vez cargado o ficheiro, incorpóranse todos os datos ao formulario de solicitude de devolución.

Na páxina 2 cárganse os datos da devolución solicitada, a modificación da pro rata do ano anterior, os datos bancarios e os anexos.

Na seguinte e última páxina, páxina 3, móstrase a lista de operacións cargadas

Por último, fai clic en "Validar declaración". Móstranse os erros que haxa (se os hai), para corrixiros antes da presentación. Se non hai erros indícase "Non existen erros". Se todo é correcto fai clic en "Asinar e Enviar" para presentar a declaración.