1.III.5. Posibilidade de elixir o lugar da inspección

Esta vantaxe é aplicable aos titulares de AEOC e AEOS.

O artigo 24, apartado 4, parágrafo segundo, do AD CAU establece a posibilidade de que os controis se realicen nun lugar distinto daquel en que as mercadorías deban presentarse en aduana. Este lugar alternativo podería supor un prazo máis breve ou custos máis baixos. Non obstante, esta vantaxe supeditarase a acordos individuais coa autoridade aduaneira competente. O lugar seleccionado para a inspección deberá permitir en todo caso ás autoridades aduaneiras a realización dos controis necesarios e non porá en perigo os resultados dos mesmos.

Aínda que a posibilidade de elección do lugar de inspección tamén se contempla no artigo 238, parágrafo segundo, do AE CAU para todos os operadores económicos con outras 27 condicións e procedementos, existe unha distinción entre as disposicións xerais e a disposición que establece unha vantaxe para os AEO, xa que as aduanas poden ter en conta este estatuto para determinar se se atende ou non a solicitude.

No tocante á un AEO poden darse varias situacións prácticas, como:

Dependendo de cada caso, e respecto de determinadas transaccións, un AEO pode solicitar que as inspeccións se leven a cabo nun lugar alternativo.

Neste caso, as autoridades aduaneiras terán en conta o estatuto de AEO. Se non existen outras circunstancias que poidan impediro, as autoridades aduaneiras deberán permitir que a inspección se efectúe na situación elixida polo AEO . Trátase de situacións en que o estatuto de AEO e o coñecemento das autoridades aduaneiras poden utilizarse como vantaxe de que non se benefician outros operadores.

Debido ás súas actividades comerciais, o AEO ten que facer uso desta opción de maneira permanente e en combinación coa totalidade das «posibilidades» restantes previstos en relación coa inscrición no rexistro de declarante cunha dispensa da obriga de presentación das mercadorías de conformidade co artigo 182, apartado 3, do CAU.

Neste caso, o estatuto de AEO non abonda para permitir ao operador económico a utilización automática da simplificación e o despacho permanente das mercadorías nas súas instalacións. Aínda que para acceder á devandita simplificación esíxese o estatuto de AEOC, para esta autorización se precisa unha solicitude á parte.