Novidades de normativa 2023

Principais novidades tributarias introducidas pola Lei 6/2023, do 17 de marzo, dos Mercados de Valores e dos Servizos de Investimento

de los Mercados de Valores y de los Servicios de Inversión.(BOE, 18-marzo-2023)

IMPOSTO SOBRE A RENDA DAS PERSOAS FÍSÍCAS

Introdúcese a seguinte modificación na Lei 35/2006, do 28 de novembro, do Imposto sobre a Renda das Persoas Físicas (LIRPF):

Ampliación da dedución por maternidade 2020, 2021 e 2022

Engádese un novo punto 4 á disposición adicional trixésimo oitava pola disposición final quinta da Lei 6/2023:

Con este novo apartado, as mulleres que a partir do 1 de xaneiro de 2020 pasasen a estar nalgunha das situacións que se enumeran a continuación, tamén xerarán dereito á Dedución por maternidade e ao incremento por gastos de gardaría por todos os meses de 2020, 2021 e 2022:

1. Traballadoras por conta allea que pasen a situación legal de desemprego por:

   • Quedar suspendido o seu contrato de traballo. Esta situación prodúcese nos seguintes casos: ERTE con suspensión total e vítimas de violencia de xénero.

   • Encontrarse nun período de inactividade produtiva das traballadoras fixas-discontinuas.

2. Traballadoras por conta propia que pasen a percibir a prestación por cesamento de actividade como consecuencia da suspensión da actividade económica desenvolvida (PECATA)

A aplicación desta ampliación da dedución para estes tres anos (2020,2021 e 2022) realizarase de forma separada na declaración de Renda 2022.

Non obstante, naqueles casos en que os contribuíntes aplicasen nas declaracións de 2020 e 2021, o importe correspondente aos meses en que concorran estas novas causas e aínda non fosen obxecto de regularización pola AEAT, manteranse sen cambios estas declaracións e non se aplicarán estes importes na declaración de Renda 2022.

A dedución por maternidade e o incremento por gastos de gardarías por cada un destes anos non poderá superar os 1.200 € e 1.000 € respectivamente por fillo.