Novidades de normativa 2020

Medidas fiscais introducidas polo Real Decreto-lei 15/2020, do 21 de abril

de medidas urgentes complementarias para apoyar la economía y el empleo.(BOE, 22-abril-2020)

NOTA: Real Decreto-lei 15/2020, do 21 de abril, de medidas urxentes complementarias para apoiar a economía e o emprego. (BOE 22 de abril )

De acordo co Real Decreto-lei 15/2020, do 21 de abril, de medidas urxentes complementarias para apoiar a economía e o emprego, adóptanse as seguintes medidas no ámbito tributario:

IRPF – Limitación dos efectos temporais da renuncia tácita ao método de estimación obxectiva no exercicio 2020.(art.10 o RDley 15/2020)^(*)

• Os contribuíntes de IRPF que determinen o seu rendemento neto de actividades económicas de acordo co método de estimación obxectiva, e no prazo para a presentación do pagamento fraccionado correspondente ao primeiro trimestre do 2020, (prazo que se ampliou ata o 20 de maio), renuncien á aplicación do mesmo, poderán volver determinar o rendemento de acordo co método de estimación obxectiva no exercicio 2021 sempre que cumpran os requisitos para a súa aplicación e revoguen a renuncia ao método de estimación obxectiva no prazo regulamentario (art. 33.1. do Regulamento de IRPF).

  Esta renuncia e a posterior revogación da mesma terá os mesmos efectos nos réximes especiais de IVE ou IXIC.

  IRPF e IVE - Calculo dos pagamentos fraccionados no método de estimación obxectiva do IRPF e da cota trimestral do réxime simplificado do IVE como consecuencia do estado de alarma no exercicio 2020. (art.11 do RDley 15/2020)^(*)

  Non computarán, en cada trimestre natural do exercicio 2020, como días de exercicio da actividade, os días naturais en que estivese declarado o estado de alarma no devandito trimestre para:

  • Os contribuíntes do IRPF que desenvolvan actividades económicas incluídas no anexo II da Orde HAC/1164/2019, do 22 de novembro, ⁽²⁾ e determinen o rendemento destas polo método de estimación obxectiva, para o cálculo do pagamento fraccionado en función dos datos-base.

  • Os suxeitos pasivos de IVE que desenvolvan actividades empresariais ou profesionais incluídas no citado Anexo II e estean acollidos ao réxime especial simplificado de IVE, para o cálculo do ingreso a conta no ano 2020.

  Os días naturais en que estivo declarado o estado de alarma no primeiro trimestre de 2020 son 18 días.

  ^(*)AVISO: Para aqueles contribuíntes de IRPF, IVE e Imposto sobre Sociedades que presentasen as súas autoliquidacións con anterioridade á entrada en vigor do Real Decreo-ley 15/2020, a Axencia Tributaria vai implementar decontado un sinxelo sistema para facilitarlles a aplicación das medidas previstas nos artigos 9, 10 e 11 do devandito RDley.

  O sistema consistirá na presentación por parte do interesado dunha nova autoliquidación cun contido axustado á medida de que se trate e adicionalmente un sinxelo formulario que identifique a primeira autoliquidación presentada, o que acelerará o proceso de rectificación desa autoliquidación por parte da Administración, con anulación dos seus efectos económicos (anulación de domiciliacións de pagamento, de solicitudes de adiamento/fraccionamento ou compensación, acordo de devolución de cantidades ingresadas, etc.)

  PRAZOS

  Extensión dos prazos de vixencia de determinadas disposicións do RDley 8/2020, do 17 de marzo, e do RDley 11/2020, do 31 de marzo. (disposición adicional primeira do RDley 15/2020).

  As referencias temporais efectuados aos días 30 de abril e 20 de maio de 2020 no artigo 33 do RDley 8/2020, do 17 de marzo, e nas disposicións adicionais oitava e novena do RDley 11/2020, do 31 de marzo, entenderanse realizadas ao día 30 de maio de 2020.

  A entrada en vigor do RDley 15/2020, do 21 de abril, prodúcese ao día seguinte ao da súa publicación no BOE, isto é o día 23 de abril de 2020.

  Non inicio do período executivo para determinadas débedas tributarias no caso de concesión de financiamento á que se refire o artigo 29 do Real Decreto-lei 8/2020, do 17 de marzo, de medidas urxentes extraordinarias para facer fronte ao impacto económico e social do COVID-19 . (artigo 11 do RDley15 /2020).

  As declaracións-liquidacións e as autoliquidacións da competencia da Administración Tributaria do Estado, presentadas por un contribuínte no prazo previsto no artigo 62.1 da Lei Xeral Tributaria (LGT), sen efectuar o ingreso correspondente ás débedas tributarias resultantes das mesmas, impedirá o inicio do período executivo sempre que se cumpran os seguintes requisitos:

  • Que o contribuínte solicitase dentro do prazo do artigo 62.1 da LGT ou antes do seu comezo, o financiamento a que se refire o artigo 29 do Real Decreto-lei 8/2020, do 17 de marzo, e por, polo menos, o importe das devanditas débedas.

  • Que o obrigado tributario achegue á Administración Tributaria ata o prazo máximo de cinco días desde a fin do prazo de presentación da declaración-liquidación ou autoliquidación un certificado expedido pola entidade financeira acreditativa de haberse efectuado a solicitude de financiamento incluíndo o importe e as débedas tributarias obxecto da mesma.

  • Que a devandita solicitude de financiamento sexa concedida en, polo menos, o importe das débedas mencionadas.

  • Que as débedas se satisfagan efectiva, completa e inmediatamente no momento da concesión do financiamento. Entenderase incumprido este requisito pola falta de ingreso das débedas transcorridas o prazo dun mes desde que finalizase o prazo mencionado no primeiro parágrafo deste apartado.

  En caso de incumprimento de calquera destes requisitos, non se haberá entendido impedido o inicio do período executivo ao finalizar o prazo previsto no artigo 62.1 da LGT .

  Para o cumprimento dos seus fins, a Administración tributaria terá acceso directo e, se é o caso, telemático á información e aos expedientes completos relativos á solicitude e concesión do financiamento á que se refire o artigo 29 do Real Decreto-lei 8/2020, do 17 de marzo.

Madrid, 22 de abril de 2020

⁽¹⁾ Data de entrada en vigor do RDley 15/2020, do 21 de abril. ^(Volver)

⁽²⁾ Orde HAC/1164/2019, do 22 de novembro pola que se desenvolven para o ano 2020 o método de estimación obxectiva do IRPF e o réxime especial simplificado do IVE (BOE 30 de novembro ). ^(Volver)