Novidades de normativa 2018

Orde HFP/1307/2017, do 29 de decembro (BOE do 30 de decembro): modificación dos modelos 036, 303 e 322

por la que se modifican la Orden EHA/1274/2007, de 26 de abril, por la que se aprueban los modelos 036 de declaración censal de alta, modificación y baja en el censo de empresarios, profesionales y retenedores y 037 declaración censal simplificada de alta, modificación y baja en el censo de empresarios, profesionales y retenedores, la Orden EHA/3434/2007, de 23 de noviembre, por la que se aprueban los modelos 322 de autoliquidación mensual, modelo individual, y 353 de autoliquidación mensual, modelo agregado, y la Orden EHA/3786/2008, de 29 de diciembre, por la que se aprueba el modelo 303 impuesto sobre el valor añadido, autoliquidación.(BOE, 30-diciembre-2017)

En relación co Imposto sobre o Valor Engadido, a Orde HFP/1307/2017, do 29 de decembro, publicada no BOE o pasado 30 de decembro modifica a seguinte normativa: -Orde EHA/1274/2007, do 26 de abril, pola que se aproban os modelos 036 de Declaración censual de alta, modificación e baixa no Censo de empresarios, profesionais e retenedores e 037 Declaración censual simplificada de alta, modificación e baixa no Censo de empresarios, profesionais e retenedores: No modelo 036, no apartado do Imposto sobre o Valor Engadido, créanse recadros específicos para que os suxeitos pasivos que tributen exclusivamente a unha Administración tributaria Foral poidan exercer a opción polo adiamento do IVE á importación liquidada pola Aduana. A entrada en vigor do novo modelo será o 1 de xullo de 2018, non obstante, os suxeitos pasivos que tributen exclusivamente a unha Administración tributaria Foral, poderán exercer a opción polo adiamento do IVE á importación para a súa aplicación no ano 2018 (para as cotas liquidadas polas Aduanas correspondentes ao período do mes de febreiro e seguintes), ata o 15 de xaneiro de 2018, mediante a presentación do correspondente escrito a través do rexistro electrónico da Axencia Estatal de Administración Tributaria.

- Orde EHA/3434/2007, do 23 de novembro, pola que se aproban os modelos 322 de Autoliquidación mensual, modelo individual, e 353 de Autoliquidación mensual, modelo agregado, e o modelo 039 de Comunicación de datos, correspondentes ao Réxime especial do Grupo de Entidades no Imposto sobre o Valor Engadido, e a Orde EHA/3786/2008, do 29 de decembro, pola que se aproba o modelo 303 Imposto sobre o Valor Engadido, Autoliquidación.

Modifícanse ambas as dúas Ordes ministeriais para dar nova denominación aos modelos de autoliquidación periódica e, deste xeito, facer referencia inequívoca ao mecanismo de adiamento do citado imposto na importación previamente liquidado pola Aduana. En consecuencia, os modelos pasan a denominarse:

• Modelo 322, «Imposto sobre o Valor Engadido. Grupo de entidades. Modelo individual. Autoliquidación mensual. Ingreso do Imposto sobre o Valor Engadido á importación liquidada pola Aduana». 
• Modelo 303, «Imposto sobre o Valor Engadido. Autoliquidación. Ingreso do Imposto sobre o Valor Engadido á importación liquidada pola Aduana».

Os novos modelos de autoliquidación, modelo 303 e 322, utilizaranse a partir do período de liquidación correspondente a febreiro de 2018.

- Orde EHA/3786/2008, do 29 de decembro : dáse nova redacción ao artigo 1.2  para trasladar a modificación do artigo 71.3 do Regulamento do Imposto sobre o Valor Engadido pola que se establece  que aqueles suxeitos pasivos que opten voluntariamente por levar os Libros rexistro do IVE a través da Sede electrónica da AEAT non terán obriga de autoliquidar mensualmente o imposto, mantendo o seu período de liquidación trimestral.