Saltar ao contido principal

Novidades de normativa 2018

Saltar índice da información

Resolución do 28 de decembro de 2018, da Dirección Xeral de Tributos, sobre o tratamento dos bonos no Imposto sobre o Valor Engadido

Resolución de 28 de diciembre de 2018,

de la Dirección General de Tributos, sobre el tratamiento de los bonos en el Impuesto sobre el Valor Añadido.

A Directiva (UE) 2016/1065 do Consello, do 27 de xuño de 2016, modificou a Directiva 2006/112/CE establecendo regras comúns relativas ao réxime de tributación en IVE dos denominados bonos en todos os Estados membros da Unión Europea, sendo aplicables para os emitidos despois do 31 de decembro de 2018, sen prexuízo da validez da interpretación adoptada polos Estados membros.　

A DGT anticipou os novos criterios sobre a tributación en IVE dos bonos por medio de consultas tributarias vinculantes que modificaron o criterio anterior, como a do 26 de outubro de 2016, número V4588-16. Non obstante, xa que algúns elementos necesarios para determinar con precisión a tributación en IVE destes bonos non foron establecidos na Directiva, e coa finalidade de reforzar a seguridade xurídica e lograr unha maior difusión dos mesmos, o 31 de decembro de 2018 publícase no BOE a Resolución do 28 de decembro de 2018, da Dirección Xeral de Tributos.

  1. No apartado Primeiro defínese como:

    • «Bono univalente» aquel en que no momento da súa emisión sexa coñecido con toda certeza o territorio de aplicación do Imposto onde quedará suxeita a operación subxacente e o tipo impositivo aplicable ou, se é o caso, que a operación estará exenta do IVE.

    • «Bono polivalente» aquel en que no momento da súa emisión non sexa coñecido con certeza se a operación se entenderá realizada dentro ou fóra do territorio de aplicación do Imposto, ou se será gravada a distintos tipos impositivos.

  2. Nos apartados Segundo (tributación dos bonos univalentes) e Terceiro (tributación dos bonos polivalentes) establece os elementos necesarios para determinar de forma precisa a tributación no IVE no territorio de aplicación do imposto, da transmisión destes bonos por un empresario ou profesional que actúe en nome propio ou que actúe en nome e por conta doutro empresario. Así mesmo, establece a forma de determinación da base impoñible, os casos en que se debe repercutir o IVE en factura, o tipo aplicable, o momento da devindicación e a deducibilidade do IVE soportado.