Entidades constituídas para a súa posterior transmisión

O artigo cuarto do Real decreto 1/2010, do 8 de xaneiro, BOE do 19 de xaneiro, modifica determinados preceptos do Regulamento Xeral das actuacións e os procedementos de xestión e inspección tributaria e de desenvolvemento das normas comúns dos procedementos de aplicación dos tributos, aprobado por Real decreto 1065/2007, do 27 de xullo.

En particular, modifícanse para dar un tratamento normativo axeitado a aqueles supostos de creación de entidades coa única finalidade de transmitir posteriormente as súas accións, participacións ou títulos representativos dos fondos propios a terceiros, especialmente no marco de políticas de promoción empresarial e fomento da actividade económica.

Neste sentido, póspónse o cómputo do prazo para o inicio da actividade da entidade, para os efectos da revogación do número de identificación fiscal, e, a cambio, establécese a obriga de facilitar determinada información censual.

As fases na asignación de NIF para este suposto de creación de entidades serán as seguintes:

Solicitude de NIF provisional

O promotor de sociedades para a súa posterior transmisión declarará no modelo 036 a súa intención de constituíra para a súa posterior venda. Para iso marcará o recadro 78 (outras entidades) e seleccionará o tipo que corresponda de entre os posibles valores que ofrece o desdobrable do recadro 79 (clase de entidade) do modelo 036, actualmente:

• Sociedade anónima constituída para a venda, en constitución
• Sociedade limitada constituída para a venda, en constitución

O declarante consignará os datos que proceda, de entre os seguintes apartados do modelo 036:

• Datos identificativos
• Domicilio fiscal e domicilio social (cando sexa distinto do fiscal)
• Data de acordo de vontades ou de constitución
• Representantes
• Relación de socios fundadores

Polas características especiais deste tipo de entidades, nesta fase non deberán cubrirse datos relativos aos seguintes apartados da declaración censual:

• Actividades económicas e locais
• Réximes de Imposto sobre Sociedades e IVE
• Retencións e ingresos a conta
• Operacións intracomunitarias
• Rexistro de devolución mensual

• Rexistro de operadores intracomunitarios

Solicitude de NIF definitivo

Efectuarase a solicitude de NIF definitivo, marcando o recadro 120 (solicitude de NIF definitivo, dispondo de NIF provisional)

Tamén se marcará o recadro 68 (persoa xurídica) e seleccionarase o tipo que corresponda, de entre os posibles valores que ofrece o desdobrable do recadro 69 (forma xurídica) do modelo 036, actualmente:

• Sociedade anónima constituída para a venda
• Sociedade limitada constituída para a venda

 Comunicarase a data de inscrición rexistral no recadro B10, páxina 2B.

Así mesmo, comunicarase, se procede, o cambio dos datos de domicilio fiscal ou social, datos de representantes e socios (para os casos en que haxa algún erro no 036 inicial e queíranse modificar)

Para comunicar calquera outro dato, distinto dos antes mencionados, necesariamente deberá cambiar a forma xurídica da entidade.

A entidade foi vendida

Cando a entidade fose vendida, o comprador debe presentar, no prazo dun mes desde a data de formalización da súa transmisión, un modelo 036 de declaración censual de modificación, para comunicar:

• O cambio de forma xurídica: para iso debe marcar o recadro 125 e seleccionar a forma que lle corresponda.
• Ao pasar de sociedade para a venda a sociedade anónima ou limitada, obrigatoriamente o declarante deberá:
  • Modificar o domicilio fiscal ou o social (recadro 122 ou 123)
  • Modificar os datos do representante (recadro 126)
  • Modificar os datos dos socios fundadores (recadro 139)
  • Comunicar os datos do inicio da actividade (mediante o recadro 127)
  • Comunicar os datos relativos á obriga do IS (recadro 133)

  • Comunicar os datos relativos aos réximes de IVE (recadro 131)

Ademais, deberán achegarse de novo as escrituras de constitución da sociedade inscrita no Rexistro Público, en que deben constar os novos socios ou partícipes, novo domicilio social, e representantes.