Para dar cumprimento á disposición transitoria novena da Lei 38/1992, do 28 de decembro, de Impostos Especiais, os comerciantes maioristas ou retallistas ou calquera persoa física ou xurídica que teña con fins comerciais existencias dos produtos incluídos neste novo imposto (líquidos para cigarros electrónicos, bolsas de nicotina ou outros produtos con nicotina) a 1 de abril de 2025, deberán presentar entre os días 1 e 30 de abril unha declaración de existencias, cubrindo o modelo electrónico que estará dispoñible na Sede da Axencia Tributaria.

Con posterioridade, para dar cumprimento ao que se dispón na disposición transitoria décima da Lei 38/1992, do 28 de decembro, as persoas físicas ou xurídicas antes citadas deberán regularizar e ingresar as cotas do novo imposto correspondente a estas existencias, non sendo que os devanditos produtos se vinculasen ao chamado réxime suspensivo (é dicir, que se almacenasen en fábricas ou depósitos fiscais inscritos como tales nas oficinas xestoras dos impostos especiais), mediante a presentación do modelo de autoliquidación (573) correspondente ao mes de abril, que se deberá cubrir entre os días 1 e 20 de xullo de 2025.