Dedución por maternidade e incremento por gastos de gardaría

Beneficiarios da dedución

Con efectos desde o 1 de xaneiro de 2023, modifícanse os requisitos para poder aplicar a dedución por maternidade:

As mulleres con fillos menores de tres anos con dereito á aplicación do mínimo por descendentes poden minorar a cota diferencial ata en 1.200 euros anuais por cada fillo menor de tres anos ata que o menor alcance os tres anos de idade sempre que cumpran algún dos seguintes requisitos:

• No momento do nacemento do menor perciban prestacións contributivas ou asistenciais do sistema de protección de desemprego.

• No momento do nacemento estean dadas de alta no réxime correspondente da Seguridade Social ou mutualidade

• En calquera momento posterior ao nacemento do menor estean dadas de alta no réxime correspondente da Seguridade Social ou mutualidade cun período mínimo de 30 días cotizados, tendose en conta tamén os días cotizados previos ao nacemento. 

Esta dedución calcularase de forma proporcional ao número de meses do período impositivo posterior ao momento en que se cumpran os requisitos.

Cando se teña dereito á dedución por haberse dado de alta na Seguridade Social ou mutualidade con posterioridade ao nacemento do menor, a dedución correspondente ao mes en que se cumpra o período de cotización de 30 días incrementarase en 150 euros anuais.

Suprímese, polo tanto, para esta dedución o límite das cotizacións e cotas totais á Seguridade Social e Mutualidades reportadas en cada período impositivo con posterioridade ao nacemento ou adopción que establecía a normativa anterior.