Novidades de normativa 2024

Principais novidades tributarias introducidas pola Lei 7/2024, do 20 de decembro, pola que se establecen un imposto complementario para garantir un nivel mínimo global de imposición para os grupos multinacionais e os grupos nacionais de gran magnitude, un imposto sobre a marxe de intereses e comisións de determinadas entidades financeiras e un imposto sobre os líquidos para cigarros electrónicos e outros produtos relacionados co tabaco, e modifícanse outras normas tributarias

IMPOSTO SOBRE O VALOR ENGADIDO

Modificación da Lei 37/1992, do 28 de decembro, do Imposto sobre o Valor Engadido e do Regulamento do Imposto sobre o Valor Engadido, aprobado polo Real decreto 1624/1992, do 29 de decembro.

GASOLINAS, GASÓLEOS E BIOCARBURANTES

a) Ultimación do Depósito Distinto do Aduaneiro.

(Modificación do artigo 19.5º da lei 37/1992 polo apartado Un da disposición final primeira da Lei 7/2024)

Mediante esta modificación establécese que en relación coas gasolinas, gasóleos e biocarburantes destinados a ser usados como carburante, a ultimación do réxime de depósito distinto do aduaneiro entenderase realizada, en todo caso, polo último depositante do produto que se extraia do depósito fiscal, ao que se repercutirá o Imposto sobre Hidrocarburos correspondentes e que estará obrigado a liquidar o IVE pola operación asimilada á importación, ou polo titular do depósito fiscal no caso de que sexa o propietario do produto. Así mesmo, o último depositante do produto que se extraia, ou o titular do depósito fiscal no caso de que sexa o propietario do produto, estará obrigado a garantir o ingreso do IVE correspondente á posterior entrega suxeita e non exenta do ben extraído do depósito fiscal.

 b) Garantía que garanta o ingreso do IVE.

(Novo apartado undécimo do anexo da lei 37/1992 introducido polo apartado Tres da disposición final primeira da Lei 7/2024)

O último depositante das gasolinas, gasóleos e biocarburantes destinados a ser usados como carburante que se extraian do depósito fiscal, ou o titular do depósito fiscal no caso de que sexa o propietario dos devanditos produtos, estará obrigado a constituír e manter unha garantía que garanta o ingreso do IVE correspondente ás entregas suxeitas e non exentas que se fagan posteriormente dos devanditos bens.

A garantía non será aplicable cando o último depositante ou, se é o caso, o titular do depósito fiscal teña recoñecida a condición de operador económico autorizado ou a de operador confiable. Mediante orde ministerial determinarase o procedemento para recoñecer a condición de operador confiable e regularase a creación e o mantemento dun rexistro de operadores confiables

A garantía deberá adoptar algunha das seguintes formas:

• Aval de entidade de crédito, institución financeira ou compañía de seguros acreditados na Unión Europea, que garanta de forma global o ingreso do IVE correspondente ás entregas suxeitas e non exentas que se fagan posteriormente e que cumpra cunha serie de requisitos.
• Pagamento a conta do IVE correspondente a unha entrega suxeita e non exenta que se faga posteriormente dos devanditos bens.

O último depositante, antes da extracción dos produtos do depósito fiscal, deberá xustificar o titular do depósito fiscal algunha das seguintes circunstancias:

• Que é operador económico autorizado ou operador confiable.
• Que existe garantía suficiente.

Unha vez comprobada a suficiencia de garantía ou suficiencia do pagamento pola Administración tributaria competente, esta autorizará a saída do produto do depósito fiscal.

Durante o mes seguinte á entrada en vigor da Orde pola que se determinará o procedemento para recoñecer a condición de operador confiable, o último depositante dos produtos, ou o titular do depósito no caso de que sexa o propietario dos produtos, non estará obrigado a garantir o ingreso do IVE correspondente á entrega suxeita e non exenta que el mesmo faga posteriormente do devandito ben.

A Administración tributaria proverá aos titulares dos depósitos fiscais dos sistemas técnicos necesarios para verificar a aplicación deste réxime transitorio.

c) Período impositivo mensual.

(Novo número 5.º ao apartado 3 do artigo 71 do Real decreto 1624/1992 introducido pola disposición final terceira da Lei 7/2024)

O período de liquidación coincidirá co mes natural, cando se trate dos titulares dos depósitos fiscais de gasolinas, gasóleos ou biocarburantes incluídos no ámbito obxectivo do Imposto sobre Hidrocarburos, así como os empresarios ou profesionais que extraian eses produtos dos depósitos fiscais.

LEITE LEVEDADO

(Modifícase o apartado Dous.1.1.º letra c) do artigo 91 da lei 37/1992 polo apartado Dous da disposición final primeira da Lei 7/2024)

Con efectos desde o día 22 de decembro de 2024 o tipo impositivo do leite levedado será do 4 %. Actualmente viña tributando ao 10 %.

por la que se establecen un impuesto complementario para garantizar un nivel mínimo global de imposición para los grupos multinacionales y los grupos nacionales de gran magnitud, un impuesto sobre el margen de intereses y comisiones de determinadas entidades financieras y un impuesto sobre los líquidos para cigarrillos electrónicos y otros productos relacionados con el tabaco, y se modifican otras normas tributarias.(BOE, 21-diciembre-2024)