Novidades de normativa 2022
Saltar índice da informaciónLei 22/2021, do 28 de decembro, de Orzamentos Xerais do Estado para o ano 2022
Ley 22/2021, de 28 de diciembre,de Presupuestos Generales del Estado para el año 2022.
Con data 29 de decembro de 2021 publícase no BOE a Lei de Orzamentos Xerais do Estado para 2022 que, no seu artigo 64, con efectos desde o 1 de xaneiro de 2022, modifica a disposición transitoria décimo terceira da Lei 37/1992, do 28 de decembro, do IVE.
Límites para a aplicación do réxime simplificado e do réxime especial da agricultura, gandaría e pesca no exercicio 2022.
Con esta modificación esténdese a 2022 o incremento a 250.000 euros da magnitude de 150.000 euros establecidos na disposición transitoria décimo terceiro da LIVE, para os efectos de determinados límites de exclusión do Réxime Simplificado e do Réxime da Agricultura, Gandaría e Pesca.
En relación co Réxime Simplificado establécese para 2022 o límite de exclusión de 250.000 euros de volume de ingresos no ano inmediato anterior para o conxunto das actividades empresariais ou profesionais, agás as agrícolas, forestais e gandeiras, realizadas polo suxeito pasivo. Igualmente establécese o límite de exclusión de 250.000 euros para as adquisicións e importacións de bens e servizos para o conxunto das actividades empresariais ou profesionais, excluídas as relativas a elementos do inmobilizado, realizadas no ano inmediato anterior polo suxeito pasivo.
En relación co Réxime da Agricultura, Gandaría e Pesca establécese para 2022 o límite de exclusión de 250.000 euros para as adquisicións e importacións de bens e servizos para o conxunto das actividades empresariais ou profesionais, excluídas as relativas a elementos do inmobilizado, realizadas no ano inmediato anterior polo suxeito pasivo. actividades empresariais ou profesionais, excluídas as relativas a elementos do inmobilizado, realizadas no ano inmediato anterior polo suxeito pasivo.