Saltar ao contido principal

Cálculo do rendemento do alugamento dun inmoble (vivenda, local, garaxe, apartamento turístico)

Ingresos, gastos e reducións aplicables

Saltar índice da información

Rendementos íntegros

A cuantificación do rendemento do capital inmobiliario realízase restando dos ingresos íntegros os gastos deducibles e aplicando sobre esta cantidade, nos casos que proceda, determinadas reducións.

Considéranse rendementos íntegros do capital inmobiliario:

  • Os que se deriven do arrendamento ou da constitución ou cesión de dereitos ou facultades de uso ou gozo sobre bens inmobles rústicos e urbanos ou de dereitos reais que recaian sobre eles, cuxa titularidade corresponda ao contribuínte e non se achen afectos a actividades económicas realizadas polo mesmo.

  • As cantidades percibidas polos restantes bens, como o mobiliario e efectos.

No suposto de subarrendamentos:

  • as cantidades percibidas polo subarrendador non se considerarán rendementos do capital inmobiliario, senón do capital mobiliario.

  • a participación do propietario no prezo do subarrendo si ten a consideración de rendementos do capital inmobiliario, sen que proceda aplicar sobre o rendemento neta redución algunha.