Cálculo do rendemento do alugamento dun inmoble (vivenda, local, garaxe, apartamento turístico)

Gastos deducibles

Para a determinación do rendemento neto do capital inmobiliario, poden deducirse dos rendementos íntegros todos os gastos necesarios para a súa obtención, así como as cantidades destinadas á amortización do inmoble e dos demais bens cedidos co mesmo, sempre que respondan á súa depreciación efectiva.

Entre outros, son gastos necesarios para a obtención dos rendementos:

1. Os intereses e demais gastos de financiamento dos capitais alleos investidos na adquisición ou mellora do ben, dereito ou facultade de uso ou gozo, así como, se é o caso, dos bens cedidos co mesmo.

2. Os gastos de conservación e reparación dos bens produtores dos rendementos. Con esta finalidade, teñen esta consideración:

   • Os efectuados regularmente coa finalidade de manter o uso normal dos bens materiais, como o pintado, revogo ou arranxo de instalacións.

   • Os de substitución de elementos, como instalacións de calefacción, ascensor, portas de seguridade ou outros.

   Non son deducibles por este concepto as cantidades destinadas á ampliación ou mellora dos bens, ao constituír un maior valor de adquisición cuxa recuperación se efectúa a través das correspondentes amortizacións.

   Establécese un límite máximo para a dedución dos intereses dos capitais alleos, gastos de financiamento e gastos de reparación e conservación, que non poderán ser superiores ao importe do rendemento íntegro de cada ben ou dereito. Non obstante, o exceso poderá compensarse nos catro anos seguintes co mesmo límite para cada inmoble.

3. Os tributos e recargas non estatais, entre outros, o IBI, taxa de lixos, iluminación etc.., excluídas as sancións.

4. As primas de contratos de seguros

5. Os gastos de defensa xurídica.

6. As cantidades destinadas á amortización, sempre que respondan á súa depreciación efectiva.